صوفيه-01 اپريل (اي پي پي ) بلغاريه ۽ رومانيا يورپ جي ويزه فري زون ۾ شامل ٿي ويا آهن. اي ايف پي موجب اوڀر يورپ ملڪ بلغاريا ۽ رومانيا 13 سالن جي انتظار کان پوءِ شينگن ايريا ۾ شامل ٿي ويا آهن. ٻنهي ملڪن جا شهري بغير ڪنهن جاچ جي هوائي ۽ سامونڊي سفر ڪري سگهن ٿا پرڏيهي معاملن واري تجزيڪار اسٽيفن پوپيسڪو موجب شينگن ۾ داخل بلغاريا ۽ رومانيا لاءِ هڪ اهم سنگ ميل آهي يورپي يونين جي اڳواڻ ارسولاوان ڊير ليين هڪ بيان ۾ چيو ته اها ٻنهي ملڪن لاءِ هڪ وڏي ڪاميابي ۽ شينگن ايريا لاءِ هڪ تاريخي لمحو آهي جيڪا دنيا ۾ آزاد اچ وڃ جو سڀ کان وڏو علائقو آهي رومانيا حڪومت چيو آهي ته شينگن قانون چار سامونڊي بندرگاهن ۽ 17 هوائي اڏن تي مشتمل هوندا . بلغاريا ۽ رومانيا هن سال جي آخر تائين شينگن ۾ مڪمل طور تي ضم ٿيڻ لاءِ پر اميد آهي 1985 ۾ ٺاهيل شينگن ايريا 40 ڪروڙ کان به وڌيڪ ماڻهن کي داخلي سرحدي ڪنٽرول جي بغير آزادنا طور ت سفر ڪرڻ جي اجازت ڏئي ٿو .
