تهران-28 مارچ (اي پي پي) ايران جي صدر ابرهيم رئيسي چيو آهي ته غزه جي صورتحال اولهندي ملڪن لاءِ شرم جي ڳالهه آهي، اسرائيل فلسطينين جي نسل ڪشي ڪري رهيو آهي. ارنا موجب ابراهيم رئيسي هڪ پريس ڪانفرنس ۾ چيو ته فسلطين مسئلو اسلامي دنيا جو گڏيل مسئلو آهي، غزه جي صورتحال آمريڪا ۽ ڪجهه اولهندي ملڪن لاءِ شرم جي ڳالهه آهي، خطي ۾ مسئلن جي جڙ اسرائيل آهي. هن چيو ته فلسطين ۾ اسرائيل نسل ڪشي ڪري رهيو آهي جنهن کي فوري طور تي روڪڻ گهرجي. هن عالمي برادري تي زور ڀريو ته هو اسرائيلي جارحيت کي ختم ڪرڻ لاءِ ٺوس قدم کڻي.
