رياض -27 مارچ (اي پي پي) سعودي عرب چيو آهي ته هلندڙ سال سياحت ۾ سڀ کان وڌيڪ ڪامياب ترين 10 ملڪن جي فهرست ۾ شامل ٿيڻ جي خواهش رکي ٿو.پرڏيهي خابرو اداري مطابق مدينه منوره ۾ منافع فورم دوران خطاب ڪندي سياحت واري وزير احمد الخطيب ٻڌايو ته اسان جو ملڪ هي سنگ ميل پار ڪرڻ جي صلاحيت رکي ٿو. هن چيو ته 2023ع جي آخر تائين سياحت جي شعبي جو مجموعي ملڪي پيداوار ۾ حصو اٽڪل 5 سيڪڙو رهيو جنهن کي 2030ع تائين وڌائي 10 سيڪڙو تائين آڻڻ چاهيون ٿا.سياحت واري وزير چيو ته ملڪ ۾ هن وقت سياحت ۽ مهمان نوازي جي شعبن ۾ 9 لک 40 هزار ملازم آهن ۽ 2030ع تائين اسان جي وزارت اهو تعداد 10 لک تائين وڌائڻ جو ارادو رکي ٿي.
