وارسا -19 مارچ (اي پي پي) آمريڪي فضائيه جي ريپر ڊرون ايم ڪيو نائين جو زميني ڪنٽرول اسٽيشن سان رابطو ڪٽجي وڃڻ سبب ان کي پولينڊ ۾ هنگامي لينڊنگ ڪرڻي پئجي وئي. ميڊيا مطابق پولش جنرل ڪمانڊ آف آرمڊ فورسز اطلاع ڏنو ته آمريڪي فضائيه جي ايم ڪيو نائين ريپر ڊرون پنهنجو زميني ڪنٽرول اسٽيشن سان رابطو ڪٽجڻ کان پوءِ پولينڊ ۾ هنگامي لينڊنگ ڪئي آهي، جيڪو پولينڊ جي هوائي حدن ۾ اڏام ڪري رهيو هو. هن ايڪس تي پوسٽ ڪيل هڪ بيان ۾ چيو ته لينڊنگ محفوظ ۽ غيرآباد علائقي ۾ طريقيڪار مطابق ٿي. بيان مطابق واقعي واري هنڌ کي سيڪيورٽي اهلڪارن گهيري ۾ ورتو آهي جڏهن ته واقعي جي جاچ جاري آهي.
