رياض -18 مارچ (اي پي پي) سعودي عرب ۾ شاهي مهمانن ۾ مختلف ملڪن کان عمره لاءِ آيل مهمانن جي چوٿين گروپ جو آخري قافلو پنهنجي وطن ڏانهن روانو ٿي ويو. ايس پي اي مطابق اسلامي معاملن واري وزارت جي نگراني ۾ شاهي مهمانن جي چوٿين گروپ جو آخري قافلو 16 ملڪن جي 250 ماڻهن جن ۾ مشهور اسلامي شخصيتون به شامل آهن روانو ٿي ويو جن جو تعلق ايشيا ۽ يورپ جي مختلف ملڪن پاڪستان، بنگلاديش، انڊيا، سريلنڪا، مالديپ، نيپال، ترڪيه، نيوزيلينڊ، آسٽريليا، ترڪمانستان، ڪرغيزستان، ڪوسوو، آذربائيجان، قازقستان، تاجڪستان ۽ روس سان آهي. شاهي مهمانن دوري تي خوشي جو اظهار ڪيو ۽ مهمان نوازي جي تعريف ڪئي.
