واشنگٽن _ 27 فيبروري (اي پي پي ) آمريڪي صدر جوبائيڊن اميد ظاهر ڪئي آهي ته غزه ۾ جنگ بندي جو معاهدو 4 مارچ تائين ٿي ويندو. جنهن بعد باقي رهجي ويل يرغمالي به آزاد ٿي ويندا . اردو نيوز مطابق نيويارڪ ۾ اين بي سي کي انٽرويو ڏيڻ بعد صحافين سان ڳالهائڻ دوران آمريڪي صدر جوبائيڊن کان سوال ڪيو ويو ته سندس خيال ۾ ڪڏهن غزه ۾ جنگ بندي جو عمل شروع ٿي سگهي ؟ جنهن تي هن چيو ته کيس اميد آهي ته هلندڙ هفتي جي آخر تائين عمل شروع ٿي ويندو . سندس سيڪيورٽي ايڊوائزر ٻڌايو ته جيتوڻيڪ اڃان ڳالهيون مڪمل ناهن ٿيون پر اسان ان کي ڪطئي شڪل ڏيڻ جي ويجهو پهچي چڪا آهيون . هن چيو ته کين اميد آهي ته 4 مارچ تائين جنگ بندي جو معاهدو ٿي ويندو .
