واشنگٽن -26 فيبروري (اي پي پي ) آمريڪي گادي واري هنڌ واشنگٽن ۾ اسرائيلي سفارتخاني ٻاهران آمريڪي فوجي اهلڪار غزه جنگ خلاف احتجاج ڪندي باهه ڏئي پاڻ کي ساڙي ڇڏيو ، اردو نيوز موجب ميٽرو پوليٽن پوليس ڊيپارٽمنٽ ترجمان ٻڌايو ته گذريل ڏينهن واشنگٽن ۾ اسرائيلي سفارتخاني ٻاهران آمريڪي فوجي اهلڪار غزه جنگ خلاف احتجاج ڪندي باهه ڏئي پاڻ کي ساڙي ڇڏيو متاثر شخص کي ويجهي اسپتال منتقل ڪيو ويو آهي جتي ان جي حالت ڳڻتي جوڳي آهي آمريڪي هوائي فوج جي ترجمان تصديق ڪئي آهي ته متاثر شخص ايئر مين آهي يويارڪ ٽائمز موجب يونيفارم پهريل شخص انٽر نيٽ تي جاري ڪيل لائيو وڊيو ۾ چيو ته هو هاڻي نسل ڪشي ۾ ملوث نه ٿيندو ان کان پوءِ هن پاڻ تي تيل اڇلايو ۽ فلسطين کي آزاد ڪيو جو نعرو هڻندي پاڻ کي باهه هڻي ڇڏي پوليس واقعي جي جاچ ڪري رهي آهي .
