رام الله -26 فيبروري (اي پي پي ) فلسطيني اسيران بابت ڪميشن فلسطيني قيدين جي سوسائٽي (پي پي ايس ) چيو ته ڪجهه ڏينهن اڳ رام الله جي اسرائيلي جيل ۾ فوت ٿيندڙ فلسطيني قدين جي سڃاڻپ عزالدين البنا جي نالي سا ٿي آهي. فلسطين جي اطلاعت واري مرڪز موجب نفح جيل ۾ ملاقات لاءِ آيل وڪيل کي قيدين ٻڌايو ته غزه سان تعلق رکندڙ 40 سالن جو عزالدين البنا معذور هيو ٻه مهينا اڳ اسرائيل قابض فوج هٿان پنهنجي گهر مان اغوا ٿيڻ کان پهريان ويل چيئر استعمال ڪندو هو، قيدين تصديق ڪئي ته صحت مند حالت ۾ رام الله جيل پهتو جنهن کي اسرائيلي فوج ۽ جاچ ڪندڙ آفيسرن شديد تشدد جو نشانو بڻايو هو .قيدين اهو به ٻڌايو ته قيدي جي موت رام الله جيل جي مريض خاني ۾ منتقلي بعد گذريل ڏينهن تي ٿي پر جيل انتظاميه طرفان سندس موت جو باضابط اعلان ناهي ڪيو ويو .
