پييرس -12 فيبروري (اي پي پي ) فرانس پاران غزه جي ڏکڻ پاسي شهر رفع ۾ اسرائيلي حملن جي اعلان تي ڳڻتي جو اظهار ڪندي اسرائيل تي زور ڏنو ته هو غزه ۾ جنگ بند ڪري ته جئين انساني تباهي کان بچي سگهجي . العربيه اردو موجب فرانسيسي پرڏيهي وزير جي ترجمان ڪرسٽوف ليموئن بيان ۾ چيو ته رفع ۾ تباهه ڪندڙ انساني صورتحال کان بچڻ ، تباهي کي روڪڻ ۽ ويڙهه بند ڪرڻ لاءِ هڪ طيرو ٻيهر جنگ بندي جو مطالبو ڪري ٿي . فرانسيسي حڪومت جي ترجمان نشاندهي ڪئي ته رفع ۾ 13 لک کان به وڌيڪ بي گهر فلسطيني شهري پناهه وٺي ويٺا آهن ۽ غزه جي شهرين کي انساني امداد پهچائڻ لاءِ هڪ اهم ڪراسنگ پوائنٽ به آهي هن چيو ته فرانس ڪنهن به جبري لڏ پلاڻ جي مخالفت ڪري ٿو عالمي انساني قانون موجب ناقابل قبول آهي . خيال رهي ته اسرائيل حڪومت چيو ته هو غزه جي ڏکڻ پاسي شهر رفع ۾ فوجي ڪاروائي جو ن تياريون ڪر ي رهيو آهي .
