ماسڪو – 12 فيبروري (اي پي پي) روس چيو آهي ته هو اليڪٽرانڪ ويزا هاصل ڪرڻ جي اهل ملڪن جي لسٽ ۾ توسيع تي غور ڪري رهيو آهي. تاس مطابق روسي پرڏيهي وزارت جي قونصلر ڊپارٽمنٽ جي سربراهه اليڪسي ڪليموف هڪ انٽرويو دوران چيو ته اليڪٽرانڪ ويزا حاصل ڪرڻ جي لسٽ ۾ توسيع جي خيال جو في الحال جائزو ورتو پيو وڃي ته ڪهڙن ملڪن جا شهري اليڪٽرانڪ ويزا حاصل ڪري سگهن ٿا، ان لسٽ ۾ شامل ڪرڻ وارن ملڪن جا نالا ٻڌائڻ وقت کان اڳ هوندو. هن چيو ته گذريل سال پهرين آگسٽ کان 31 ڊسمبر تائين 55 ملڪن جي شهرين کي هڪ لک 70 هزار يونيفائيڊ اليڪٽرانڪ ويزائون جاري ڪيون ويون هيون.
