بغداد- 06 فيبروري (اي پي پي) سعودي عرب جي اترئين پاسي سرحد تي موجود چوڪي مان گذريل 4 ڏينهن دوران 50 هزار عراقي زائرين سعودي سرحد پار ڪئي. اردو نيوز موجب سرحدي چوڪي تي سمورا سرڪاري ادارا خدمتون فراهم ڪري رهيا آهن. گورنر عراق مان آيل زائرين کي بهتر ۽ تيز رفتار خدمتون فراهم ڪرڻ جي تاڪيد ڪئي آهي. عراقي سرحدي چوڪي تي ڪسٽم جا 66 ڪائونٽر هڪ ئي وقت ڪم ڪري رهيا آهن. اميد آهي ته ايندڙ ڏينهن ۾ عراق مان ايندڙ وڌيڪ زائرين جي آمد ٿيندي.
