واشنگٽن-19 جنوري (اي پي پي) آمريڪا ۾ سعودي عرب جي سفير شهزادي ريمابنت بندر چيو آهي ته فلسطيني عوام کي هڪ خودمختيار رياست جي ضرورت آهي. عاجل نيوز موجب شهزادي ريمابنت بندر ڊيووس ۾ ورلڊ اڪنامڪ فورم جي اجلاس ۾ سعودي عرب وڌيڪ پائيدار معيشت طرف ڪوششن جي موضوع تي خطاب ڪري رهي هئي. وچ اوڀر جي صورتحال تي شهزادي ريمابنت بندر جو چوڻ هو ته غزه جي جنگ ۾ 30 هزار کان وڌيڪ ماڻهو متاثر ٿيا آهن، هن چيو ته اسان کي فسلطينين جي باري ۾ به ڳالهائڻ گهرجي جيڪي اتي انتهائي مشڪل حالتن ۾ زندگي گذارڻ تي مجبور آهن، هن چيو ته اسان کي انهن ٻارن بابت به ڳالهائڻ جي ضرورت آهي جيڪي پنهنجي عضون کان محروم ٿي چڪا آهن ۽ انهن ماڻهن بابت به ڳالهه ڪرڻ جي ضرورت آهي جن گرجا گهرن ۾ پناهه ورتي آهي، سعودي سفير چيو ته فلسطيني انتهائي مشڪل حالتن مان گذري رهيا آهن، رستن تي پاڻي وهي رهيو آهي جنهن سان حالتون انتهائي خراب ٿي چڪيون آهن، شهزاده ريمابنت بندر غزه جي صورتحال جي حوالي سان وڌيڪ چيو ته فلسطين مسئلي جو حل ڪو ڏکيو معاملو ناهي ۽ مملڪت شاه فهد جي دوري سان ان مسئلي جي حل جي حمايت ڪئي آهي، هن چيو ته غزه ۾ ڏڪار ۽ مسلسل بمباري جي ماحول ۾ ان جي ملڪ لاءِ امن عمل جي قيادت ممڪن ناهي.
