سيئول-18 جنوري (اي پي پي) ڏکڻ ڪوريا،آمريڪا ۽ جاپان جو ن گڏيل سامونڊي فوجي مشقون مڪمل ٿي ويون آهن، ميڊيا رپورٽن موجب ڏکڻ ڪوريا جي چيف آف اسٽاف جي آفيس مان جاري ڪيل بيان ۾ چيو ويو آهي ته ملڪ جي ڏکڻ ٻيٽ جيجو ويجهو آمريڪا ،جاپان ۽ ڏکڻ ڪوريا جون گڏيل فوجي مشقون مڪمل ٿي ويون آهن،مشقن ۾ آمريڪا جي سامونڊي جنگي جهازيو ايس ايس ڪارل ونسن سميت ٽن ملڪن پاران 9 جنگي جهازن شرڪت ڪئي، بيان ۾ چيو ويو آهي ته مشقن ۾ شامل ملڪن جو هدف اتر ڪوريا پاران ائٽمي ميزائل، سامونڊي خطرن کي نظر ۾ رکندي جوابي ڪاروائي جي اهميت کي مضبوط بڻائڻ آهي، ٽن ڏينهن واريون مشقون 15 جنوري کان شروع ڪيون ويون هيون.
