دبئي_17 جنوري(اي پي پي) يو اي اي جي هوائي ڪمپني امارات ايئر لائنز هلندڙ سال ڇهن وڏن کنڊن مان پنج هزار ماڻهن جي عملي کي ڀرتي ڪرڻ جو اعلان ڪيو آهي، ميڊيا رپورٽن موجب ڀرتي واري مهم ۾ نون گريجوئٽس ، مهمان نوازي جي صنعت جو هڪ سال جو تجربو رکندڙ ماڻهن تي ڌيان ڏنو ويندو، اعلان موجب انٽرنشپ يا وقتي ملازم جو تجربو رکندڙ اميدوارن کي درخواستون جمع ڪرائڻ لاءِ چيو ويو آهي،امارات ايئر لائنز هلندڙ سال پنهنجي ٻيڙي ۾ ايئر بس 350 اي جهازن ۽ 2025 ۾ بوئنگ 777 ايڪس جهازن کي شامل ڪرڻ جو ارادو رکي ٿي، ايئر لائن چيو آهي ته نون ڀرتي ٿيندڙ ماڻهن کي ان شعبي جي بهترين تربيت ڪارن کان مهمان نوازي ۽زندگي جون مهارتون سيکاريون وينديون، ايمرٽس جي ريڪروٽنمنٽ ٽيم چيو آهي ته بحرين، اردن، ڪويت، عمان، سسعودي عرب ۽ گڏيل عرب امارتن ۾ ڀرتي جا پروگرام منعقد ڪيا ويندا.
