سيئول-17 جنوري (اي پي پي ) ڏکڻ ڪوريا اتر ڪوريا جي ايٽمي ۽ ميزائل پروگرامن سان لاڳاپيل ٻن ماڻهن ، ٽن ادارن ۽ 11 بحرجهازن تي پابندي لاڳو ڪري ڇڏي آهي. رائٽرز ڏکڻ ڪوريا جي پرڏيهي وزير گذريل ڏينهن جاري ڪيل بيان جي حوالي سان ٻڌايو ته جن هدفن کي نشانو بڻايو ويو آهي اهو بنيادي طور تي توانائي جي غير قانوني اسمگلنگ ۾ ملوث آهن. واضح رهي ته ڏکڻ ڪوريا اهو قدم اتر ڪوريا پاران ڪجهه ڏينهن اڳ نئين سالڊ فيول هائپر سوئنڪ ميزائل جي تجربي کانپوءِ کنيو آهي .
