واشنگٽن-11 جنوري (اي پي پي) پاڪستاني ڄائي آمريڪي عورت فوزيه جنجوعه آمريڪي رياستي نيوجرسي جي ٽائون مائونٽ لارل مان ميئر چونڊجي وئي. هن هٿ ۾ قرآن پاڪ کڻي نيو جرسي جي مائونٽ لارل جي ٽائون شپ هال ۾ پنهنجي مڙس ۽ چئن ٻارن سان گڏ حلف کڻڻ واري تقريب ۾ شرڪت ڪئي. اردو نيوز مطابق نيو جرسي اسٽيٽ جي ڪانگريس ڪيرول مرفي اسيمبلي ۽ اميدوار عورت رڪن فوزيه جنجوعه پنهنجي عهدي جو حلف کنيو. ان موقعي تي سندس چوڻ هو ته کيس پهرين پاڪستاني ۽ مسلمان عورت طور ميئر چونڊجڻ جو اعزاز حاصل ٿيو آهي ۽ اهو سمورن پاڪستانين لاءِ فخر جوڳو آهي. هن ٻُڌايو ته سندس پيءُ جو تعلق چڪوال ۽ ماءُ لاهور سان آهي ۽ ان جي پيدائش آمريڪا ۾ ٿي هئي.
