ڪنشاسا-28 ڊسمبر (اي پي پي)آفريقي ملڪ ڪانگو ۾ شديد برساتن جي نتيجي ۾ 40 ماڻهو فوت ٿي ويا آهن. چيني خابرو اداري موجب ڏکڻ صوبي ڪيوو جي صوبائي گورنر جي آفيس موجب صوبي جي گادي واري شهر بوڪاوو ۾ ٿيل شديد برساتن سبب آيل ٻوڏ ۽ لينڊ سلائيڊنگ سبب 40 ماڻهو فوت ٿي ويا آهن. هن ٻڌايو ته متاثرن جي ڳولا لاءِ امدادي ٽيمون متاثر علائقن ڏانهن روانيون ڪيون ويون آهن. واضح رهي ته ڪانگو ۾ سيپٽمبر کان مئي تائين عام طور تي ٻوڏ ۽ لينڊ سلائيڊنگ ٿيندي آهي ۽ اڪثر ڪري ان جا تباهي آڻيندڙ اثر هوندا آهن.
