رياض – پهرين ڊسمبر(اي پي پي) سعودي ريلوي سار ۽ الجبر ڪار ڪمپني وچ ۾ بندرگاهه تان شهر اندر گاڏين جي منتقلي لاءِ مال گاڏي جي سهولت فراهم ڪرڻ جو معاهدو طئي ٿيو آهي. سعودي خابرو اداري مطابق سعودي ريلوي ڪمپني سار چئن سالن تائين الجبر ڪمپني جي گاڏين جي منتقلي جي سروس فراهم ڪندي. سار طرفان گاڏين جي منتقلي جو معاهدو پهريون ڀيرو ڪيو ويو آهي. نئين پاليسي تحت سعودي ريلوي مختلف گروپن کي لاجسٽڪ سروس جون نيون سهولتون فراهم ڪيون وينديون. الجبر ڪمپني سان معاهدو ان ئي سلسلي جي پهرين ڪڙي آهي.
