برلن -15 نومبر (اي پي پي) جرمن چانسلر اولاف شولز چيو آهي، ته اسرائيل کي فاشسٽ رياست چوڻ خطرناڪ آهي. سعودي سڌ سماءَ وارن ذريعن مطابق اها ڳالهه جرمن چانسلر پريس ڪانفرنس دوران ترڪ صدر رجب طيب اردگان جي اسرائيل بابت تازي بيان سان لاڳاپيل سوال جي جواب ڏيندي چئي، جنهن ۾ رجب طيب اردگان اسرائيل کي هڪ فاشسٽ رياست قرار ڏنو هو. ترڪ صدر اسرائيل جي باري ۾ اها ڳالهه ڪندي غزه ۾ اسرائيلي فوج جي بمياري اٽڪل پنج هزار ٻارن سميت 12 هزار جي لڳ ڀڳ فلسطينين جي شهادت ۽ اسپتالن تي اسرائيلي حملن جو حوالو ڏيندي ڪئي هئي. هن چيو ته اسرائيل جي قانوني حيثيت تي ان جي فاشزم سبب سوال اٿيا آهن. جرمن چانسلر چيو ته اسرائيل هڪ جمهوري ۽ انساني حقن تي يقين رکندڙ ۽ عالمي قانونن جي پابندي ڪندڙ ملڪ آهي.
