پيرس – 30 آڪٽوبر (اي پي پي)فرانس اسرائيل کي خبردار ڪيو آهي ته اولهه ڪناري ۾ فلسطيني شهرين جي يهودي آبادڪارن هٿان قتل عام قبولڻ جوڳو ناهي. سعودي خابرو اداري مطابق فرانس جي پرڏيهي وزارت پنهنجي بيان ۾ گذريل ڪجهه ڏينهن ۾ ساويه ۽ قصره ۾ فلسطيني شهرين تي يهودي آبادڪارن جي حملن جي مذمت ڪئي آهي. انهن واقعن ۾ ڪيترائي فلسطيني شهيد ٿي چڪا آهن. فرانس جي پرڏيهي وزارت اولهه ڪناري مان فلسطينين جي جبري بي دخلي جي مذمت ڪئي آهي. واضح رهي ته هي بيان يهودي آبادڪارن طرفان ساويه ۽ قصره جي علائقن ۾ فلسطيني مسلمانن خلاف تازن حملن کان پوءِ سامهون آيو آهي. هڪ تازي واقعي ۾ يهودي آبادڪارن 40 سالن جي فلسطيني کي ان وقت شهيد ڪيو جڏهن هو پنهنجي زيتون جي باغ ۾ ڪم ڪري رهيو هو.
