ماسڪو – 27 آڪٽوبر (اي پي پي) غزه جي پٽي ۾ اسرائيل ۽ فلسطيني گروپن وچ ۾ جنگ جي 20 هين ڏينهن حماس جو هڪ وفد روس جي گادي واري شهر ماسڪو پهچي ويو. روسي پرڏيهي وزارت جي ترجمان ٻڌايو ته حماس جو هڪ اعليٰ سطح جو وفد جنهن جي قيادت تحريڪ جي سياسي بيورو جو رڪن ابومرزوق ڪري رهيو آهي، ماسڪو جو دورو ڪري رهيو آهي. هن هڪ پريس ڪانفرنس دوران چيو ته حماس جا نمائندا ماسڪو جو دورو ڪري رهيا آهن. جيستائين ڳالهه ٻولهه جو تعلق آهي اسان توهانکي ان بابت بعد ۾ وڌيڪ آگاهه ڪنداسين.
