ماسڪو -18 آڪٽوبر (اي پي پي) روس جي پرڏيهي وزارت چيو آهي ته اسرائيل کي غزه جي اسپتال تي حملو نه ڪرڻ جا ثبوت فراهم ڪرڻ گهرجن. برطانوي خابرو اداري مطابق غزه ۾ اسپتال تي حملو حيران ڪندڙ حد تائين غير انساني ڏوهه آهي ۽ جيڪڏهن اسرائيل ان ۾ ملوث ناهي ته کيس سيٽلائيٽ تصويرون فراهم ڪرڻ گهرجن. پرڏيهي وزارت جي ترجمان مارياز اخارووا ريڊيو اسپوتنڪ کي ٻڌايو ته اسان اهڙي سنگين عمل کي ڏوهه ۽ غير انساني فعل قرار ڏيون ٿا. هن چيو ته ڪجهه ماڻهن پاران پاڻ کي ذميواري کان آجو ڪرڻ جي واضح ڪوشش ڪئي وئي آهي ۽ اهڙي واقعي تي صرف ميڊيا ۾ تبصرو ڪرڻ ڪافي ناهي، ان لاءِ اسرائيل ۽ آمريڪا کي سيٽلائيٽ تصويرون فراهم ڪرڻ گهرجن.
