جنيوا_ 18 آڪٽوبر(اي پي پي) صحت جي عالمي اداري (ڊبليو ايڇ او) غزه اسپتال تي اسرائيل جي هوائي حملي جي شديد لفظن ۾ مذمت ڪندي شهرين جي تحفظ جو مطالبو ڪيو آهي، اداري پنهنجي جاري ڪيل بيان ۾ چيو آهي ته اسان اسپتال تي حملي جي شديد لفظن ۾ مذمت ڪيون ٿا ۽ ان قسم جا حملا قبولڻ جوڳا نه آهن ، ڊبليو ايڇ او جي هنگامي حالتن جي ڊائريڪٽر مائيڪل ريان چيو ته صحت جي سار سنڀال واري اداري تي ڪنهن به قسم جو حملو عالمي قانون جي ڀڃڪڙي آهي، ان تڪرار کي ختم ڪري شهرين کي فوري طور تي تحفظ فراهم گهرجي.هن چيو ته عالمي برادري کي اسرائيل جي ان حملي جي شديد لفظن ۾ مذمت ڪرڻ گهرجي.
