ترانه-17 آڪٽوبر (اي پي پي)يورپي يونين غزه ۾ انساني همدردي جي بنياد تي امدادي ڪمن لاءِ غزه ۽ مصر وچ ۾ فضائي راهداري آپريشن شروع ڪندي. برطانوي خابرو اداري موجب يورپي يونين هڪ بيان ۾ چيو ته انساني همدردي جي بنياد تي پهريون 2 اڏامون هلندڙ هفتي شروع ڪيون وينديون جنهن ۾ يونيسيف طرفان خيما، دوائون ۽ صحت جون ڪٽون شامل هونديون، امڪاني طور تي ان امدادي فضائي راهداري جو آغاز هن ئي هفتي ٿي ويندو، يورپي ڪميشن جي صدر ترانه ۾ پريس ڪانفرنس دوران چيو ته غزه ۾ فلسطيني شهرين جي امداد جي ضرورت آهي، هن چيو ته يورپي يونين هفتي جي آخري ۾ فيصلو ڪيو ته هو غزه ۾ فسلطيني شهرين جي مدد لاءِ پنهنجي انساني امداد کي ٽيڻو ڪري 75 ملين يورو کان وڌيڪ ڪندي.
