بيجنگ_ 13 آڪٽوبر(اي پي پي) چين چيو آهي ته فلسطين – اسرائيل تڪرار مان نڪرڻ جو واحد رستو ٻه رياستي فارمولو آهي، چين جي پرڏيهي کاتي جي ترجمان وانگ ون بين پنهنجي روزاني جي پريس ڪانفرنس دوران چيو ته ڪميونسٽ پارٽي آف چائنا جي مرڪزي ڪميٽي جي سياسي بيورو جي ميمبر ۽ سي پي سي سينٽرل ڪميٽي جي پرڏيهي کاتي جي آفيس جي ڊائريڪٽر وانگ اي برازيلي صدر جي مددگار اموريم سان ٽيليفون تي فلسطين اسرائيل تڪرار جي باري ۾ ڳالهيون ڪيون.گذريل ڪجهه ڏينهن دوران وچ اوڀر جي مسئلي تي چيني حڪومت جي خاص ايلچي زائي جون فلسطين،اسرائيل،مصر ۽ سعودي عرب سميت وچ اوڀر ۽ ٻين ملڪن جي ذميوار سفارتي شخصيتن سان ڳالهيون ڪيون ته جئين فلسطين اسرائيل صورتحال کي وڌيڪ خراب ٿيڻ ۽ عام شهرين جو تحفظ يقيني ٻڻائي سگهجي، سندس چوڻ هو ته فلسطين اسرائيل وچ ۾ امن امان لاءِ عالمي برادري کي پنهنجون ذميواريون ادا ڪندي امن عمل جي بحالي لاءِ سازگار ماحول پيدا ڪرڻ گهرجي.
