لنڊن_ 13 آڪٽوبر(اي پي پي) برطانيا اسرائيل جي مدد لاءِ 2 سامونڊي جنگي جهاز ۽ جاسوس جهاز موڪلڻ جو اعلان ڪيو آهي. ميڊيا رپورٽن موجب اسرائيل جي حمايت ۽ علائقائي استحڪام کي هٿي وٺرائڻ لاءِ وزيراعظم رشي سونڪ جي آفيس نئون انڪشاف ڪيو آهي ته لنڊن برٽش رائل نيوي جا ٻه سامونڊي جنگي جهاز ،هيليڪاپٽر ۽ جاسوس جهاز اوڀر روم سمنڊ ۾ مقرر ڪيا ويندا، فوجي پيڪيج ۾ شامل پي 8 جهاز ، 3 مرلن هيليڪاپٽر ۽ رائل ميرينز جي ڪمپني خطي ۾ اسرائيل کي عملي مدد فراهم ڪرڻ لاءِ تيار رهندا، رشي سونڪ چيو آهي ته برطانيا جون فوجي ۽ سفارتي ٽيمون پڻ عالمي شراڪت دارن جي مدد ڪنديون ته جئين سلامتي جي صورتحال ۽ خطي ۾ انساني همدردي جي بنياد تي امداد جي فراهمي کي يقيني بڻائي سگهجي. ڊاوننگ اسٽريٽ چيو آهي ته اڳواڻن مان اميد آهي ته اوهي وچ اوڀر ۾ استحڪام جي ضرورت ۽ يوڪرين جي حمايت تي ڌيان ڏيندا.
