رياض -02 آڪٽوبر (اي پي پي) سعودي عرب ترڪيه جي پارليامينٽ ويجهو ٿيل آپگهاتي بم حملن جي مذمت ڪئي آهي. سعودي ميڊيا مطابق سعودي عرب جي پرڏيهي وزارت ترڪيه جي پارليامينٽ ويجهو ٿيل آپگهاتي بم حملن جي مذمت ڪئي آهي. حملي ۾ 2 پوليس اهلڪار زخمي ۽ 2 دهشتگرد مارجي ويا هئا. پرڏيهي وزارت مملڪت طرفان هر قسم جي تشدد، دهشتگردي ۽ انتهاپسندي کي رد ڪرڻ جو ورجاءُ ڪندي چيو آهي، ته سعودي عرب دهشتگردي ۽ انتهاپسندي جي خاتمي جي سمورين ڪوششن جي حمايت ڪري ٿو. پرڏيهي وزارت زخمين جي جلد صحتيابي، ترڪيه ۽ ان جي عوام جي سلامتي ۽ حفاظت جي دعا پڻ ڪئي.
