برلن -12 سيپٽمبر (اي پي پي)جرمني يوڪرين کي وڌيڪ 40 مارڊر انفينٽري ويڙهاڪ گاڏيون (آءِ ايف وي، ٽينڪ)مهيا ڪرڻ جو اعلان ڪيو آهي. جرمن خابرو اداري مطابق جرمن حڪومت دفاعي سازو سامان تيار ڪندڙ ڪمپني رائن ميٽل کي يوڪرين لاءِ وڌيڪ 40 مارڊر انفينٽري ويڙهاڪ گاڏيون مهيا ڪرڻ جو آرڊر ڏنو آهي. آگسٽ 2023ع ۾ ڏنل ان آرڊر جي ماليت ڪروڙين يورو آهي. رائن ميٽل هڪ بيان ۾ چيو ته هو ٽينڪ جهڙين انهن پراڻين گاڏين جي مرمت لاءِ ڪم جاري رکيو آهي ۽ ان ڳالهه کي يقيني بڻائي رهي آهي ته مارڊر آءِ ايف وي جي جديد ترين کيپ 2023ع کان شروع ٿيندڙ معاهدي مطابق مهيا ڪري سگهجن. هن سال ان اضافي يعني 40 گاڏين جي موڪلڻ کان پوءِ يوڪرين کي مهيا ڪيل مارڊر گاڏين جو ڪل تعداد 80 ٿي ويندو.
