دمشق -28 آگسٽ (اي پي پي) اسرائيل شام جي حلب انٽرنيشنل ايئرپورٽ تي فضائي حملو ڪيو جنهن سبب رن وي کي نقصان پهچڻ سبب سروس معطل ٿي وئي آهي. برطانوي خابرو اداري شام جي دفاع واري وزارت جي حوالي سان ٻڌايو آهي، ته اسرائيل جي فوج سومر ڏينهن صبح جو ساڍي چئين وڳي فضائي حملو ڪيو، جنهن ۾ شام جي حلب انٽرنيشنل ايئرپورٽ کي نشانو بڻايو ويو. حملي ۾ هوائي اڏي جي رن وي کي نقصان پهتو آهي جنهن سبب هوائي سروس معطل ٿي وئي آهي. اسرائيل فوج ان حوالي سان ڪو به بيان جاري ناهي ڪيو.
