واشنگٽن -15 آگسٽ (اي پي پي ) آمريڪا ۾ موسميات جي ماهرن چيو آهي ته ان ڳالهه جو 50 سيڪڙو امڪان آهي ته 2023 تاريخ جو گرم ترين سال هوندو ايندڙ سال وڌيڪ گرم ٿي سگي ٿو .سعودي سڌ ساءِ وارن ذريعن موجب فرانسيسي نيوز ايجنسي اي ايف پي موجب نيشنل اوسيا نڪ اينڊ ايٽمو سفير ايڊ منسٽريشن (اين او اي اي ) جي چيف سائنٽسٽ ساره ڪيپنگ چيو آهي ته 2023 گرم ترين سال آهي . ناسا جي گوڊارا انسٽيٽيوٽ فار سپيس اسٽڊيز جي ڊائريڪٽر گيون ميڊٽ چيو ته ماٺي سمنڊ ۾ ايل نينو رجحان سبب ايندڙ سال ان کان به وڌيڪ گرم ٿي سگهي ٿو هن چيو ته ايل نينو جو وڌيڪ اثر 2024 ۾ ظاهر ٿيندو ان ڪري اسان ڏسص رهيا آهيون ته نه رڳو 2023 بلڪي 2024 به غير معمولي طور تي ريڪارڊ سطح تي گرم هوندو يورپي يونين جي موسمياتي مشاهدو ڪندڙ اداري ڪوپرنيڪس جي رپورٽ موجب زمين تي هيستائين جولائي سڀ کان وڌيڪ گرم مهينو هيو اي او اي اي موجب جولائي ۾ گلوبل سرفيس ٽمپريچر 1.12 ڊگري سيلسيز هيو جيڪو اوسر کان وڌيڪ هيو ان اداري جي 174 سالن جي ريڪارڊ موجب گرم ترين مهينو هيو اداري موجب گلوبل اوشين سرفيس ٽمريچر جولائي ۾ گذريل چار مهينن کان ريڪارڊ وڌيڪ رهيو ڇو ته جون ۾ پيدا ٿيندڙ ايل نينو جا اثر لڳاتار جاري آهن . ناسا جي چيف سائنسدان ۽ ماحوليات جي سينئر مشير ڪيٽ ڪيلون چيو ته ماحولياتي تبديلي ماڻهن ۽ ماحولياتي نظام تي اثر ڇڏي رهي آهي گرمي پد ۾ تبديلي کانسواءِ اسان سمنڊ جي سطح ۾ اضافي آرڪٽڪ سمنڊ ۾ برف جو رجڻ ۽ ٻيلن ۾ باهه لڳڻ جي واقعن کي منهن ڏئي رهيا آهيون . آمريڪي اسپيس ايجنسي جي ايڊمن بل نيلسن چيو ته اسان ان ماحول کي بچائڻ لاءِ عملي قدمن جي ضرورت آهي .
