جده_13 جولاءِ (اي پي پي) سعودي عرب يورپ ۾ قرآن پاڪ جي بيحرمتي وارن واقعن جي حوالي سان گڏيل قومن جي انساني حقن جي ڪونسل پاران مذهبي منافرت کي روڪڻ لاءِ وڌيڪ قدم کڻڻ تي زور ڏيڻ لاءِ لڳاپيل ٺهراءَ جي آجيان ڪئي آهي. ميڊيا رپورٽن موجب سعودي عرب جاري ڪيل بيان ۾ چيو آهي ته ٺهراءَ جي منظوري جيڪا سعودي عرب سميت دنيا جي مختلف ملڪن پاران مطالبن کانپوءِ سامهون آئي آهي جيڪا مذهبن ۽ ثقافتن جي احترام ۽ اصولن ۽ انساني قدرن کي هٿي وٺرائڻ لاءِ عالمي قانون جي ضمانت آهي،سعودي عرب اشارو ڏنو آهي ته روداري ۽ اعتدال جي حمايت لاءِ پنهنجون ڪوششون جاري رکندو، واضع رهي ته اهو ٺهراءُ سويڊن ۾ قرآن پاڪ کي ساڙڻ واري واقعي کانپوءِ سامهون آيو آهي.
