اسلام آباد -17 اپريل (اي پي پي) پاڪستان ۾ ايران جي عهدو ڇڏيندڙ سفير سيد محمد علي حسيني مذهبي معاملن واري وفاقي وزير مفتي عبدالشڪور جي حادثاتي موت تي ڏک ۽ افسوس جو اظهار ڪيو آهي. هڪ ٽوئيٽ ۾ ايران جي سفير چيو ته اسان پاڪستان جي مذهبي معاملن واري وفاقي وزير مفتي عبدالشڪور جي افسوسناڪ لاڏاڻي تي گهري ڏک ۽ افسوس جو اظهار ڪيون ٿا. هن چيو ته مفتي صاحب جو اوچتو ۽ اڻمندائتو وڇوڙو افسوسناڪ آهي. سيد محمد علي حسيني پاڪستان جي حڪومت ۽ عوام سان دلي تعزيت جو اظهار ڪندي مرحوم جي مغفرت لاءِ دعا ڪئي.
