گڏيل قومون_ 16 مارچ(اي پي پي) گڏيل قومن جي يمن لاءِ خاص نمائندي هانس گرنڊ برگ چيو آهي ته سعوي عرب، ايران ڊيل سان تڪرار جي خاتمي جي خاتمي وارين ڪوششن ۾ اضافو ٿيندو. ميڊيا رپورٽن موجب گڏيل قومن جي يمن لاءِ خاص نمائندي هانس گرنڊ ني سلامتي ڪونسل ۾ چيو ته سعودي عرب ۽ ايران وچ۾ لڳاپن جي بحالي جي معاهدي سان يمن ۾ جاري تڪرار جي خاتمي ۾ مدد ملندي ، هن چيو ته يمن تڪرار جي خاتمي لاءِ مختلف سطحن تي سفارتي ڪوششون جاري آهن، هن وقت اسان علائقائي سطح تي هڪ نئين سفارتي رفتار سان ڳالهين جي دائرڪار ۾ تبديلي ڏسي رهيا آهيون، هن چيو ته يمن جي سرگرم ڌرين کي علائقائي ۽ عالمي رفتار جي موقعن مان فائدو حاصل ڪرڻ گهرجي ته جئين وڌيڪ پر امن مستقبل طرف فيصلي جوڳا قدم کڻي سگهجن.