هري پور – 19 جون (اي پي پي) بينظير انڪم سپورٽ پروگرام جي چيئرپرسن ماروي ميمڻ چيو آهي ته بينظير انڪم سپورٽ پروگرام پاڪستان ۾ پنهنجي نوعيت جي سماجي ڀلائي جو سڀ کان وڏو منصوبو آهي جنهن مان پاڪستان جا لکين خاندان فائدو حاصل ڪري رهيا آهن. اهڙن خيالن جو اظهار هن کوليان بالا ۾ قائم بينظير انڪم سپورٽ پروگرام سيل جي دوري جي موقعي تي ڪيو. ان موقعي تي تعلقي ڪائونسل جو ميمبر حزب الله خان، ضلعي ڪائونسل جو ميمبر حاجي نواز خان، طاهر حبيب خان کانسواءِ عوامي نمائندن جو وڏو انگ پڻ موجود هو. ماروي ميمڻ چيو ته ان منصوبي ۾ شفافيت ۽ بهتري آڻڻ جي لاءِ عالمي طريقيڪار موجب 5 سالن کانپوءِ ٻيهر سروي شروع ڪئي وئي آهي.
