سرينگر – 09 اپريل (اي پي پي) والاريل ڪشمير حريت فورم جي چيئرمين مير واعظ عمر فاروق چيو آهي ته هراسان ڪرڻ باوجود ان جو فورم ڪشمير تڪرار جي پرامن حل لاءِ پنهنجي جدوجهد جاري رکندو. ڪشمير ميڊيا سروس موجب مير واعظ جيڪو هڪ ڪوڙي ڪيس ۾ ڀارتي تحقيقاتي اداري اين آءِ اي آڏو پيش ٿيڻ لاءِ نئي دهلي ويو آهي، پنهنجي ٽوئٽر پيغام ۾ چيو ته ڀارت حريت قيادت کي ان جي سياسي موقف سبب اين آءِ اي کي استعمال ڪري بدنام ڪرڻ جي ڪوشش ڪري رهيو آهي.