اسلام آباد – پهرين اپريل (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته ملڪ ۾ چونڊن جي فضا اهي ئي پارٽيون قائم ڪري رهيون آهن جيڪي ماضي ۾ ڪجهه نه ڪري سگهيون، عوام جي ڀلائي لاءِ ڪم ڪندڙ ئي 2018ع ۾ ڪامياب ٿيندا، عمران خان خيبرپختونخواهه ۾ بهتري آڻڻ تي ڌيان ڏي. اهڙن خيالن جو اظهار هن والدين جي ڏهاڙي ۽ پائيدار ترقي جي هدفن جي حوالي سان تقريب کي خطاب ڪندي ڪيو. هن چيو ته پاڪستان جي آئين ۾ پائيدار ترقي جا هدف موجود آهن، سمورا والدين چاهين ٿا ته انهن جا ٻار سٺن اسڪولن ۾ تعليم حاصل ڪن، اسلام آباد جي اسڪولن ۾ عالمي معيار جون تعليمي سهولتون فراهم ڪيون پيون وڃن.
