اسلام آباد – 29 جنوري (اي پي پي) پروين شاڪر ٽرسٽ ادب جي فروغ لاءِ قائم ڪيو ويو ۽ ٽرسٽ جي اهتمام هيٺ منعقد مختلف پروگرامن سان معاشري مان ٻوسٽ ختم ڪرڻ جي لاءِ مشعل راهه آهي. مقامي هوٽل ۾ پروين شاڪر ٽرسٽ ۽ بڪ ڪائونسل جي اهتمام هيٺ گڏيل تعاون سان پروين شاڪر جي شاعري مجموعي خوشبو جي 39 هين سالگرهه جي موقعي تي خطاب ڪندي سينيٽ چيئرمين ميان رضا رباني چيو ته پروين شاڪر جي ڪتاب جي سالگرهه جي تقريب، سندس شاعري ۽ ان جا معاشري تي اثر سڀ پنهنجي جاءِ تي اهميت رکندڙ آهن پر پروين شاڪر جي خيالن کي زندهه رکڻ به ضروري آهي.
