ٽورانٽو-22 سيپٽمبر (اي پي پي) ڪينيڊا جي وزيراعظم جسٽن ٽروڊو چيو آهي ته سندس وٽ ڀارت جي سک اڳواڻ پرديپ سنگهه جي قتل ۾ ملوث هجڻ جي مصدقه معلومات موجود آهي، عرب نيوز موجب نيويارڪ ۾ صحافين سان ڳالهائيندي وزيراعظم جسٽن ٽروڊو چيو ته اسان وٽ اهو سمجهڻ جي مصدقه سبب موجود آهن ته ڀارتي حڪومت جي ايجنٽس ڪينڊين سرزمين تي ڪينڊين شهري جي قتل ۾ ملوث آهن، هن چيو ته ڪينيڊين پارليامينٽ ۾ پهريون ڀيرو هن ڀارت جي حوالي سان بيان انتهائي سنجيدگي سان ڏنو هو، هن چيو ته ڪنهن به ملڪ طرفان ڪنهن ٻي ملڪ جي سرزمين تي ان جي شهري کي قتل ڪرڻ ناقابل قبول آهي ۽ ان حوايل سان اسان قانون جي حڪمراني لاءِ بيهڻ جي اصول جي پاسداري جو مظاهرو ڪنداسين، هن چيو ته اسان ڀارت کي چوڻ چاهينداسين ته هو ان معاملي کي سنجيدگي سان وٺي ۽ انصاف جي فراهمي کي يقيني بڻائي. آئون ڪينيڊا جي شهرين کي تحفظ فراهم ڪرڻ لاءِ پنهنجو ڪم جاري رکندس.
