جده-15 مئي (اي پي پي) اسلامي ترقياتي بينڪ (آءِ ڊي بي) عالمي بحرانن کي منهن ڏيڻ جده ۾ پنهنجي سالياني اجلاس جي پڄاڻي تي 24 ميمبر ملڪن سان 5.4 ارب ريالن جي 77 معاهدن تي صحيحون ڪيون آهن. سعودي عرب جي نشرياتي اداري بينڪ جي چيئرمين محمد الجاسر جي ميڊيا بريفنگ جي حوالي سان ٻڌايو آهي ته جٽادار ترقي جي ميدان ۾ 588 ملين ڊالرن کان وڌيڪ جي 06 منصوبن جي مالي مدد لاءِ ڪيترن ئي معاهدن تي صحيحون ڪيون آهن. جنهن ۾ صحت، زراعت، فوڊ سيڪيورٽي، آمد ورفت، توانائي، ننڍي ۽ وچولي درجي جو جو ڪاروبار، تعليم ۽ انساني امداد سميت مختلف شعبن کي هٿي وٺرائڻ شامل آهي. الجاسر چيو ته اسلامي ترقياتي بينڪ لائيف اينڊ لولي هڊ فنڊ جو ٻيو مرحلو به شروع ڪيو آهي ڇاڪاڻ ته بينڪ نرم قرضن جي مد ۾ 325 ملين ڊالر فراهم ڪرڻ لاءِ پرعزم آهي.
