انقره/دمشق- 08 فيبروري (اي پي پي) ترڪيه ۽ شام ۾ زلزلي سبب فوت ٿي ويلن جو انگ 9 هزار کان مٿي ٿي ويو آهي. برطانوي خابرو اداري مطابق ترڪيه ۽ شام ۾ گذريل ڏينهن آيل 7.8 شدت جي زلزلي ۽ آفٽر شاڪس سبب فوت ٿي ويلن جو مجموعي انگ 9 هزار کان مٿي ٿي ويو آهي. ترڪي ۾ قدرتي آفتن کي مُنهن ڏيندڙ اداري مطابق ملڪ ۾ هن وقت تائين تقريبن 7 هزار جڏهن ته شام ۾ باغين جي اثر واري علائقي ۾ ڪم ڪندڙ تنظيم هيلمٽ ريسڪيو گروپ مطابق ملڪ ۾ اڍائي هزار کان وڌيڪ ماڻهو فوت ٿي چڪا آهن. واضح رهي ته متاثر علائقن ۾ ڪيترن ئي ملڪن طرفان امدادي ڪارروايون جاري آهن ۽ صحت واري عالمي اداري خبردار ڪيو آهي ته متاثرن جو انگ 2 ڪروڙ 30 لک کان وڌي سگهي ٿو.
