گڏيل قومون – 24 جنوري(اي پي پي) گڏيل قومن سوئيڊن ۾ قرآن پاڪ کي باهه ڏيڻ جي مذمت ڪئي آهي. گڏيل قومن جي سربراهه انتونيو گوتريش چيو آهي ته اهو عمل وڌندڙ نفرت جي علامت آهي جنهن کي اسان سڀني جي مذهبن خلاف ڏسي رهيا آهيون، چاهي اهو اسلام هجي يا يهوديت. هن چيو ته اهڙي طرح جي نفرت پکيريندڙ عمل جي واضح طور تي مذمت ڪرڻ گهرجي. انتونيو گوتريش جي ترجمان اسٽيفن ڊوجارڪ چيو ته انتونيو گوترين گڏيل قومن ۾ تهذيبن وچ ۾ اتحاد جو سربراه مسٽر ميگوئل مورا تينوس جي بيان جي مڪمل حمايت ڪري ٿو جنهن قرآن پاڪ کي باهه ڏيڻ جي عمل جي سختي سان مذمت ڪئي آهي.
