اسلام آباد – 16 نومبر (اي پي پي) وزيراعظم شاهد خاقان عباسي چيو آهي ته پاڪ چين اقتصادي لنگهه (سي پيڪ) پاڪستان جي لاءِ هڪ عظيم موقعو آهي جنهن مان پوري طرح فائدو کڻڻ جي ضرورت آهي. هن اها ڳالهه اسڪول آف پاليٽڪس اينڊ انٽرنيشنل ريليشنز قائداعظم يونيورسٽي جي پوسٽ گريجوئيٽ شاگردن جي هڪ گروپ سان ڳالهائيندي چئي جنهن پاڪستان جي پرڏيهي لاڳاپن تي خيالن جي ڏي وٺ لاءِ وزيراعظم آفيس جو دورو ڪيو. وزيراعظم چيو ته چين سان لاڳاپا تاريخي رابطن تي ٻڌل آهن جيڪي اقتصادي لاڳاپن کان وڌيڪ آهن.
