اسلام آباد – 27 جون (اي پي پي) وزيراعظم عمران خان وڌندڙ مهانگائي ۽ انتظاميه پاران روز مره جي شين جي قيمتن ۾ غير معمولي اضافي کي روڪڻ تي ناڪامي جو سخت نوٽيس وٺندي هدايت ڪئي آهي ته وڌندڙ مهانگائي، ذخيرو اندوزي ۽ ٻي بدعنواني کي روڪڻ لاءِ سڀئي صوبائي چيف سيڪريٽريز، چيف ڪمشنر اسلام آباد فوري قدم کڻن، ۽ ان سلسلي ۾ خصوصي مهم شروع ڪئي وڃي. سڀئي صوبائي عملدار 7 ڏينهن ۾ انهن حڪمن تي عملدرآمد جي سلسلي ۾ اڳڀرائي جي رپورٽ پيش ڪن.
