اسلام آباد – 04 آگسٽ (اي پي پي) عوامي مسلم ليگ جي سربراهه شيخ رشيد احمد چيو آهي ته پاڪستان تحريڪ انصاف چاهي ٿي ته عمران خان 14 آگسٽ تائين وزيراعظم جو حلف کڻي وٺي، پي ٽي آءِ کي ڊليور ڪرڻ لاءِ تمام گهڻي سخت محنت ڪرڻي پوندي ڇو ته عمران خان وٽ ڊليور ڪرڻ کانسواءِ ٻيو ڪو آپشن نه آهي، شهباز شريف جي چونڊ مهم کي نواز شريف جي مڪمل حمايت حاصل هئي، مريم نواز شهباز شريف جي رستي ۾ سڀ کان وڏي رڪاوٽ هئي، نواز شريف جي تباهي جي ذميوار مريم نواز آهي، نواز شريف سمجهندو هو ته جيل وڃي مظلوميت جو ووٽ وٺندو پر سندس اندازو غلط ثابت ٿيو. هڪ نجي ٽي وي چينل جي پروگرام ۾ ڳالهائيندي شيخ رشيد احمد چيو ته پاڪستان تحريڪ انصاف چاهي ٿي ته عمران خان 14 آگسٽ تائين وزيراعظم جو حلف کڻي وٺي، ان حوالي سان ڪوششون به ڪيون پيون وڃن.
