اسلام آباد – پهرين فيبروري (اي پي پي) وزيراعظم عمران خان خيبرپختونخواهه جي ڊوميسائيل رکندڙ سمورن شهرين کي يونيورسل هيلٿ ڪوريج فراهم ڪندڙ ملڪ جو پهريون صوبو بڻائڻ تي خيبرپختونخواهه جي حڪومت کي مبارڪباد ڏني آهي. پنهنجي ٽوئيٽ ۾ وزيراعظم چيو ته يونيورسل هيلٿ ڪوريج جي ذريعي صوبي جا رهواسي چار ڪروڙ ماڻهو مفت هيلٿ انشورنس جي سهولت حاصل ڪري سگهن ٿا ۽ هر خاندان سڄي ملڪ ۾ 400 کان وڌيڪ سرڪاري ۽ نجي اسپتالن ۾ ساليانو 10 لک رپين تائين جو علاج ڪرائي سگهندو.
