ڪوهاٽ – 16 ڊسمبر (اي پي پي) وزيراعظم شاهد خاقان عباسي چيو آهي ته عام چونڊون 15 جولاءِ 2018ع تي ٿينديون ۽ مسلم ليگ (ن) پنهنجي ڪارڪردگي جي بنياد تي عوام وٽ ويندي، نواز شريف جيڪي واعدا ڪيا هئا اهي اڄ پورا ڪري رهيا آهيون، ايترا منصوبا مڪمل ٿيڻ جي مرحلي ۾ آهن جو جيڪڏهن هڪ هفتي ۾ هڪ منصوبي جو افتتاح ڪريون ته به پورا نه ٿي سگهندا. هو اڳوڻي سينيٽر عباس خان آفريدي جي رهائشگاهه تي عوامي ميڙ کي خطاب ڪري رهيو هو.
