نيويارڪ – 22 سيپٽمبر (اي پي پي) پرڏيهي وزير شاهه محمود قريشي نيويارڪ ۾ وزيراعظم عمران خان جي مختلف عالمي تنظيمن ۽ اڳواڻن سان ملاقاتن جا تفصيل ٻڌائيندي چيو آهي ته افغانستان ۾ تعليم جي لاءِ ڪم ڪندڙ تنظيم جي نمائندن وزيراعظم سان ملاقات ڪئي آهي ۽ پاڪستان ۾ تعليم خاص طور تي معياري تعليم تي تعاون جي آڇ ڪئي آهي، هن ٽيڪس جي نظام ۾ سڌارن تي پڻ ڳالهه ڪئي آهي جيڪا موجوده حڪومت جي اولين ترجيح آهي، ان حوالي سان ٽيڪس نظام کي ڪيئن بهتر بڻايو وڃي ۽ ان ۾ ڪرپشن جي اثرن کي ڪيئن گهٽ ڪيو وڃي انهن جا ماهر پاڪستان ايندا ۽ اسان کي ڪارائتيون تجويزون ڏيندا ته جيئن ان عمل ۾ بهتري آڻي سگهجي.
