اسلام آباد – 03 اپريل (اي پي پي) وزيراعظم عمران خان هدايت ڪئي آهي ته ڊگهين عمارتن جي تعمير جي حوالي سان حڪومتي پاليسي تحت قاعدن ۽ ضابطن کي جلد کان جلد شڪل ڏني وڃي، ماضي جي حڪومتن ملڪ کي قرضن جي ڌٻڻ ۾ ڌڪي ڇڏيو، غيرمنافعو ڏيندڙ سرڪاري اثاثن ۽ غيراستعمال ٿيل ملڪيتن کي استعمال ۾ نه آڻڻ سمجهه کان مٿي آهي، هزارين ايڪڙ جي غير استعمال ٿيل سرڪاري زمين کي استعمال ۾ آڻي نه رڳو حڪومتي خساري کي گهٽ ڪري سگهجي ٿو پر ترقياتي عمل کي پڻ وڌيڪ اڳتي وڌائي سگهجي ٿو. وزيراعظم جي صدارت ۾ سرڪاري ملڪيتن ۽ اثاثن جي نجڪاري جي عمل ۾ هيستائين جي اڳڀرائي تي جائزه اجلاس ٿيو.
