اسلام آباد – 27 مارچ (اي پي پي) وزيراعظم عمران خان چيو آهي ته نئين پاڪستان ۾ دهشتگردن جي لاءِ ڪا جڳهه نه آهي، پاڪستان پنهنجي سرزمين تي دهشتگرد گروپن کي منظم ٿيڻ جي هرگز اجازت نه ٿو ڏئي سگهي. هن اها ڳالهه ناليواري برطانوي اخبار ”فنانشل ٽائيمز“ کي هڪ انٽرويو ڏيندي چئي. وزيراعظم چيو ته نئين پاڪستان ۾ دهشتگردن جي لاءِ ڪا جڳهه نه آهي، ان جي خلاف ڪريڪ ڊائون جاري آهي ۽ اسان ان جي پوري ڍانچي کي ختم ڪري رهيا آهيون، ان حوالي سان هاڻي جيڪو ڪجهه ٿي رهيو آهي پاڪستان ۾ ان کان اڳ ڪڏهن ناهي ٿيو.
