اسلام آباد – 27 مارچ (اي پي پي) ڪابينا جي اقتصادي رابطا ڪميٽي (اي سي سي) درآمد ڪندڙن جي سهولت لاءِ بندرگاهن تي مقرر مدي کان وڌيڪ عرصو پيل سامان تي 70 ڪروڙ رپين جا سرچارجز معاف ڪرڻ ۽ نيشنل ڪائونٽر ٽيررازم اٿارٽي جي لاءِ 13 ڪروڙ 30 لک رپين کان وڌيڪ جي ٽيڪنيڪل سپليمينٽري گرانٽ منظور ڪئي آهي، ملڪ ۾ ايل اين جي جي طلب ۽ پهچ جي حوالي سان ٺوس حڪمت عملي جي تياري، نئين ايل اين جي ٽرمينل جي قيام جو عمل تيز ڪرڻ جي هدايت ڪئي آهي. اي سي سي جو اجلاس ناڻي واري وفاقي وزير اسد عمر جي صدارت ۾ ٿيو.
